Enku lugud at karela makipagkasundu,
Asna kasakit ing aldong misan dakang lakwan,
Lawen myang mako ala Kaman laban.
Baluku instrumentu na kayu ning Guinu,
Pinaram kekami ban ipakit ing sulu,
Pasiknangan ing bie kasalpantayanan,
At pastulan keng mayap a dalan.
Masakit man pero kailangan tanggapan,
Ing pastul ming kaluguran,
Kailangan na nkming lakwan,
Keng pusu mi masakit kang bagutan,
Eka mawala pilang dilubyu man ing dumalan.
Kekayung apatinu deng mamulang,
Kareng kayanakan anti kayung tinalakad karelang tatang,
Kekang apatiman deng makasimangut,
Apasaya deng bugnut at makabusangut.
Misan keng bie ku sinabi ku,
Enaku lugud alagad ning Guinu,
Takut at kaduwagan yang peiralanan ku,
Mas masakit palang manyarang pusu,
Salamat biklat ye ing pusu kung ala ng gana,
Binalik ing alab ning lugud leko keng dimla,
Mikit kata pa! keng pusu ku balu kuyta,
Pari,kuraparoko kakung tatang, aliwa ka talaga!
para kang Among Alvin Manalang. Megawa anyang 31 Hulyo 2011.